A Comisión Executiva Provincial de Pontevedra do PSdeG-PSOE iniciará “de inmediato” o proceso para readmitir como militante á alcaldesa de O Porriño, Eva García de la Torre ao entender a xustiza que non cometera ningún dos delitos que lle imputaba a fiscalía.
Unha medida que anunciou esta mesma xornada o secretario xeral dos socialistas pontevedreses, David Regades, tras coñecerse a sentenza que absolve a García de la Torre de todos os cargos que se presentaron con ela polo exercicio da súa actividade empresarial.
“Estamos encantados de que se reincorpore de novo á militancia socialista, é un valor fundamental para que o PSdeG desta provincia”, destacou Regades.
A baixa fora solicitada voluntariamente pola propia alcaldesa antes de afrontar o proceso xudicial que se celebrou o pasado 22 de novembro.
Para finalizar, Regades destacou o gran labor que de la Torre leva a cabo desde esta alcaldía e que a súa reincorporación é “unha boa noticia para que os socialistas desta localidade pontevedresa poidan seguir contando con Eva”
