A muller arrestada este martes pola Policía Nacional de Vigo, despois de que se enfrontou a varios axentes, impedindo que estes detivesen ao seu marido, pasou este mércores a disposición do xulgado de garda, que decretou a súa posta en liberdade, aínda que coa condición de investigada.
Así, o xulgado acordou a posta en liberdade da muller, veciña do barrio da Doblada (onde sucederon os feitos) e que está investigada por un delito de atentado contra axentes da autoridade.
Esta muller e outros familiares enfrontáronse aos axentes da Policía Nacional que acudiron este martes ao seu domicilio da Doblada, coa intención de deter ao marido dela, no curso dunhas investigacións da Policía Xudicial.
A investigada arremeteu contra os policías, dándolles empuxóns e insultándoos, e logrou que, mentres tanto, o seu marido puidese escapar. ela foi detida e a Policía segue buscando ao sospeitoso que se fuxiu.
