O rei Juan Carlos prepara a Copa de España en augas de Sanxenxo
Esta mesma semana estivo na capital galega onde compartiu mesa e mantel co presidente da Xunta, Alberto Núñez Feijóo
O rei Juan Carlos, campión do mundo de vela da clase 6m coa súa Bribón Movistar, saíu este venres a navegar por augas da Ría de Pontevedra onde a partir de mañá competirá na Copa de España da categoría.
Acompañado do regatista Pedro Campos, amigo persoal seu, o rei emérito inicia así a preparación para o Mundial que este ano se disputará en Finlandia, onde defenderá o título conquistado en Vancouver (Canadá).
O monarca frecuenta Galicia, especialmente as Rías Baixas, con condicións óptimas para esta práctica deportiva.
Ademais, xa retirado da vida pública, esta mesma semana estivo na capital galega onde compartiu mesa e mantel co presidente da Xunta, Alberto Núñez Feijóo, nun coñecido restaurante da cidade.
Na Comunidade empezou a gozar do anonimato e do respecto da xente local.