Unha embarcación de Salvamento Marítimo rescatou este venres de madrugada a dúas persoas que caeron ao mar no Peirao de Vigo.
Segundo o 112, unha moza caeu á auga, na zona do Náutico, e un compañeiro tirouse para auxiliala. Ocorreu sobre as 02.30 horas.
Foron alertados de inmediato Salvamento Marítimo e ao Servizo de Gardacostas de Galicia, ademais do 061, a Garda Civil, as policías Nacional e Local e a Autoridade Portuaria.
Finalmente, os dous mozos foron rescatados da auga por unha embarcación de Salvamento. Só un deles necesitou ser evacuado polos servizos sanitarios.