Rescatan a sete os tripulantes dun barco que se afundía fronte a cabo Ortegal
Os Irmáns Landrove sufriu unha vía de auga Toda a tripulación está sa e salva
Os sete tripulantes dunha embarcación con base en Viveiro foron rescatados este martes de madrugada logo de sufrir unha vía de auga 20 millas ao norte do cabo Ortegal, fronte ao municipio coruñés de Cariño.
Ningún dos rescatados necesitou asistencia sanitaria e atópanse sans e salvos. O 112 tivo constancia do suceso pasados uns minutos das 05:00 horas da madrugada.
Foron mobilizados a Pesca II, o Helimer e a embarcación Salvamar Shaula para o rescate dos tripulantes. Ademais, os pescadores da zona tamén fosen alertados.
Ademais, o 112 Galicia púxose en alerta ao 061-Urxencias Sanitarias, Garda Civil e Policía Local. Finalmente, os sete tripulantes a bordo dos Irmáns Landrove, con base en Viveiro, foron rescatados –sans e salvos- polo pesqueiro Bedía, que os trasladou ata o porto de Cariño.