Na madrugada deste luns rexistrouse un sismo de 3,5 graos na escala de Richter no Atlántico fronte a Galicia, despois de que o sábado houbese outros dous de menor magnitude en Guntín e O Carballiño.
Segundo os rexistros do Instituto Xeográfico Nacional (IGN), recollidos por Europa Press, ás 3.19 horas deste luns rexistrouse un terremoto de 3,5 graos na escala de Richter no Atlántico a 38 quilómetros de profundidade.
Ademais, en Galicia o pasado sábado 14 de abril á 1.04 horas houbo un sismo de 2,3 graos na escala de Richter no termo municipal de Guntín.
Mentres, ás 13.59 horas do sábado 14 de abril rexistrouse outro terremoto de 2,1 graos na escala de Richter no municipio ourensán do Carballiño.