O sol volve brillar este martes en toda Galicia. A xornada comezará con bancos de néboa matinais e intervalos de nubes baixas a primeiras horas do día, pero os ceos despexados serán a tónica predominante nas catro provincias.
As temperaturas mínimas quedarán sen cambios mentres que as máximas experimentarán un moderado ascenso, de maneira que os termómetros volverán superar os trinta graos en distintos puntos de Pontevedra e Ourense. Nas grandes urbes, como a Boa Vila, Vigo ou a cidade das Burgas espérase que os termómetros cheguen a marcar 33 ou 34 graos, mentres que en Lugo non pasarán de 26.
