Tras varias semanas de precipitacións e inestabilidade, o tempo primaveral volverá este mércores a Galicia para quedar polo menos unha semana.
As altas presións das Azores entrarán durante a xornada deste mércores sobre Galicia e achegarán estabilidade. Desta forma, nas primeiras horas do día haberá nubes baixas e algunhas néboas no interior que tenderán a desaparecer a medida que avance o día. Os ceos quedarán pola tarde pouco nubrados ou despexados.
A madrugada será algo máis fría que a de xornadas anteriores, pero as temperaturas diúrnas tenderán a ascender, chegando a alcanzarse os 25 graos nalgúns puntos do interior como Ourense.
Estas son as temperaturas mínimas e máximas previstas para este mércores nas principais cidades: A Coruña 13°/17°, Ferrol 15°/18°, Lugo 11°/19°, Ourense 12°/25°, Pontevedra 13°/24° Santiago de Compostela 11°/19°, Vigo 11°/23°.
