miércoles. 25.11.2020 |
El tiempo
miércoles. 25.11.2020
El tiempo

Un total de 79 areais galegos xa figuran como praias libres de fume

Nas praias libres de fume non se pode fumar na zona do areal, quedando excluídas as terrazas dos chiringuitos. AEP
Nas praias libres de fume non se pode fumar na zona do areal, quedando excluídas as terrazas dos chiringuitos. AEP

A esta rede sumáronse tamén praias fluviais e portos

Un total de 79 areais de 45 concellos forman parte xa da Rede galega de praias sen fume creada en 2016 coa adhesión inicial de 19 localidades e que desde a súa posta en marcha estendeuse a un total de 15 áreas fluviais. 

A Consellería de Sanidade destacou a evolución da rede, que pasou de 26 praias en 2016 a 27 en 2017 e 79 na actualidade, o que supón o 16% das praias censadas en Galicia. 

Ademais, os concellos de Baiona, Corcubión e Rianxo contan coa acreditación de ouro, que é o máximo nivel ao que se pode optar, ao declarar todas as súas praias libres de fume.

Como novidade, en 2018 incorporouse a posibilidade de incluír praias fluviais, que supuxo a incorporación dun total de 15 áreas en ríos galegos.  Ademais, a rede estendeuse a outros ámbitos, nacendo a Rede galega de portos sen fume, co obxectivo de sensibilizar a usuarios e visitantes de portos deportivos dos beneficios de vivir sen tabaco. Actualmente, son catro os portos deportivos adheridos á iniciativa: Portosín, Portonovo, Ribadeo e Baiona. Sanidade agradece que a consellería do Mar, a través de Portos de Galicia, colabore no proxecto ao solicitar aos xestores portuarios a súa valoración e respaldo á rede galega. 

Nas praias sen fume non se pode fumar na zona do areal, quedando excluídas as zonas ao aire libre dos locais de hostalería situados nelas. Non existe vixilancia, nin sanción para o incumprimento, e considérase unha elección voluntaria e persoal seleccionar unha praia sen fume como lugar de lecer, de forma que o seu cumprimento é unha responsabilidade persoal.

REFERENTE NACIONAL. Galicia é pioneira na creación da primeira rede de praias sen fume, sendo "referente na ampliación de espazos ao aire libre non regulados pola normativa vixente" e exemplo para outras comunidades, como Murcia, que solicitou información da implantación en Galicia. Tamén mostraron o seu interese comunidades como Andalucía e Valencia. 

A Rede galega exponse con fin "educativo e de sensibilización social", "recalcando a importancia da conduta dos adultos ante os máis pequenos", co obxectivo de que nenos e mozos saiban que "lonormal é non fumar" e avanzar e cambiar a percepción social sobre o tabaco, co obxectivo de converter esta contorna en educativo e preventivo.

APOIO ENTRE OS USUARIOS. A medida obtivo boa acollida cidadá, segundo reflicten os datos da enquisa realizada pola Consellería de Sanidade entre o 27 de xullo e o 21 de agosto de 2018, na que se preguntou a nbsp;1.350&usuarios de praias sen fume e realizáronse 1.000 entrevistas telefónicas. 

Así, o 71,6% dos usuarios das praias no pasado ano valorou esta iniciativa como boa ou moi boa, isto é, 7,4 puntos máis que en 2017. Entre a poboación xeral, catalogaron esta iniciativa como moi boa ou boa o 78,1%, 4,4 puntos máis que no 2017. 

Ademais, crece a porcentaxe de usuarios das praias (68,7%) aos que lles lle gustaría que a iniciativa se estendese a outras praias no futuro e o 57,8% considera que debería estenderse a outros espazos ao aire libre. 

Sobre o cumprimento, aumenta a porcentaxe de usuarios das praias que pensa que se respecta a recomendación de non de fumar nas praias, que actualmente é do 53,8%. Esta porcentaxe foi do 31,8 no 2016 e do 48,7 no 2017. 

Un total de 79 areais galegos xa figuran como praias libres de fume
comentarios