Un kamikaze desata o pánico en Vigo fuxindo 14 quilómetros en sentido contrario
15 de agosto de 2019 (19:24 h.)
O condutor decidiu darse á fuga tras atoparse cun vehículo policial de madrugada
Un home, de 34 anos e nacionalidade portuguesa, foi detido en Vigo tras conducir durante 14 quilómetros en sentido contrario.
Segundo informa a TVG, o individuo atopábase de madrugada nos semáforos do antigo seminario en Vigo. Debido á proximidade dun vehículo policial decidiu darse á fuga.
Ante o corte dos accesos á autovía por parte das autoridades, o home decidiu incorporarse á A-55 en sentido contrario, exercendo como kamikaze 14 quilómetros.
A 'viaxe' terminou nun carril sen saída, impactando contra un muro. Alí foi detido —negouse a pasar as probas de alcol e drogas— e pasará a disposición xudicial en Vigo.