Unha veciña de Meaño, Amparo Castro Agís, denunciou a través das redes sociais o perigo que supón a existencia dun pozo, sen tapa, que se atopa situado entre a súa vivenda e unha horta. Asegura que denunciou esta situación en varias ocasións ante os axentes da Policía Local pero ninguén acudiu a inspeccionar o lugar.
Amparo Castro precisa que o pozo ten 25 metros de profundidade e está cheo de auga, cuxo son pode percibirse perfectamente cando chega ao fondo a segunda das pedras que arroxou.
A boca do pozo está semicubierta pola maleza, situación que incrementa o seu perigo, sinala antes de advertir de que na súa casa viven netos seus de dous, catro, sete, nove e once anos de idade.
A veciña de Meaño advirte de que en calquera momento podería producirse unha desgraza e cualifica de "inxusta" a angustiosa situación que está obrigada a vivir a diario.
Amparo subiu a Facebook o vídeo que gravou o día 28, e pouco tempo despois o número de visitas contábase por miles. "Que teño que facer?", pregúntase varias veces en voz alta.
