Un veciño da Estrada falece ao ser atropelado por un vehículo
07 de septiembre de 2019 (13:40 h.)
O suceso produciuse mentres a vítima cruzaba por un paso de peóns na rúa Benito Vigo
Un veciño da Estrada, de 83 anos de idade, faleceu esta mañá ao ser atropelado por un turismo mentres cruzaba por un paso de peóns na rúa Benito Vigo, a escasos metros da Casa Consistorial estradense.
O sinistro produciuse ao redor das 10.00 da mañá e o Servizo de Emerxencias 112 alertou ao helicóptero medicalizado ante a gravidade das lesións do ferido, aínda que as tarefas de reanimación non deron resultado.
Ao momento tamén acudiu a Policía Local da Estrada e efectivos do GES. Barállase a posibilidade de que o sinistro se producise por un deslumbramiento do condutor.