A morte dun home de 81 anos de idade que estaba ingresado no Complexo Hospitalario Universitario da Coruña (Chuac) e a doutro de 63 anos ingresado en Ourens eleva a 33 as vítimas mortais relacionadas coa epidemia de coronavirus en Galicia.
As autoridades sanitarias informan de que estas últimas vítimas mortais foran diagnosticadas de coronavirus e tiñan patoloxías crónicas previas.
Este mércores faleceron ademais outros catro homes, un deles sen patoloxías previas destacadas, que tiña 84 anos de idade e estaba ingresado no Hospital Virxe da Xunqueira, do municipio coruñés de Cee.
Ademais, morreron dous homes de 82 anos de idade ambos e que estaban ingresados no Complexo Hospitalario Universitario da Coruña (Chuac) e outro home de 74 que era atendido no Hospital Montecelo de Pontevedra.
ESPAÑA SUPERA A CHINA EN NÚMERO DE MORTOS. O Ministerio de Sanidade confirmou este mércores un total de 47.610 casos positivos de coronavirus, 7.937 novos, e 3.434 falecidos, 738 máis. nas últimas 24 horas.
Segundo informou o departamento que dirixe Salvador Illa, hai ademais 3.166 pacientes na Uci e 5.367 persoas que xa se recuperaron do COVID-19.
