martes. 19.01.2021 |
El tiempo
martes. 19.01.2021
El tiempo

Vox denuncia o agresor dun militante nunha mesa informativa en Cangas

Agresión ao coordinador de Vox en Cangas e Moaña. DP
Agresión ao coordinador de Vox en Cangas e Moaña. DP
Un vídeo recolle como un mozo pasa en bicicleta xunto a Manuel Español, de 78 anos, e o golpea cunha caixa de cartón na cabeza

Un mozo agrediu este martes o coordinador de Vox en Cangas e Moaña, Manuel Español, mentres repartía propaganda nunha mesa informativa na vila canguesa. O atacante, subido nunha bicicleta, insultou e golpeou na cabeza cunha caixa de cartón o militante de Vox, de 78 anos, quen sufriu fortes dores no oído a raíz do golpe. Acto seguido, deuse á fuga mentres era increpado e perseguido polas testemuñas da agresión, que non lograron interceptalo.

Nada máis identificar o autor, que o partido describe como "un home moreno e con bigote, suposto membro da extrema esquerda radical, que xa increpara, insultara e cuspira a outro compañeiro nunha mesa informativa anterior", os responsables de Vox presentaron a oportuna denuncia no cuartel da Garda Civil.

Segundo asegura a formación, no episodio —que un participante na mesa informativa puido gravar en vídeo— tamén se viu afectada unha simpatizante de 29 anos e o coordinador de Vox en Pontevedra, Miguel Paz.

"ODIO" CONTRA VOX. "Esperamos que poida ser detido pronto e sexa xulgado polo que fixo. A nosa solidariedade con Manuel e cos demais membros de Vox que veñen sufrindo ameazas e agresións. Nunha sociedade democrática é intolerable unha campaña de violencia como a que están a sufrir os membros de Vox", asegurou o partido, que nas redes sociais da súa división pontevedresa afirmou que os seus rivais "recorren á violencia" cando "non poden cos argumentos".

E, ante as acusacións de que o episodio fose unha montaxe interesada, o partido de ultradereita preguntouse: "¿Imaxinádesvos que pasaría se chega a ser do PSOE, de Podemos, do BNG... ou se fose unha muller de esquerdas?". Ademais, proclamou que quen actúan así contra eles "non están sos", senón que os avalan "todos os medios e políticos que verteron odio contra Vox, polo que estes son responsables de cada agresión".

Pégannos, cóspennos, insúltannos e ameazan, pero din que é montaxe.
¿ Imaxinádesvos que pasase se chega a ser do PSOE, de Podemos, do BNG...ou se fose unha muller de esquerdas? https://t.co/2LgCfKU0xV<> — Vox Pontevedra (\VoxPontevedra) March 3, 2020<>

Vox denuncia o agresor dun militante nunha mesa informativa en Cangas
comentarios