O xesuíta denunciado por abusos sexuais a menores en Xixón -onde estivo entre 2005 e 2008-, e apartado xa do seu cargo, traballou tamén en colexios desta orde relixiosa en Logroño e A Coruña.
Así o sinalou a Efe o delegado de Educación da Compañía de Xesús en España, Antonio Allende, quen asegurou que a Compañía non recibiu ningunha denuncia de alumnos dos centros de Logroño ou A Coruña, cidade na que traballou durante 5 anos.
O centro Sacro Corazón Xesuítas de Logroño apartou do seu colexio ao relixioso tras ser denunciado por abusos sexuais a menores hai uns anos en Xixón e acordou que non teña contacto con menores.
A Compañía de Xesús de España detallou este mércores, nun comunicado, que o pasado 12 de xaneiro coñeceu estes feitos, retirou inmediatamente ao sacerdote xesuíta de todo contacto con menores e apartouno do seu destino actual en Logroño.
Allende asegurou que están a colaborar coa xustiza na investigación dos feitos e iniciaron o proceso canónico pertinente.
