A Dirección Xeral de Urxencias e Interior da Vicepresidencia da Xunta de Galicia activou este martes pola mañá a alerta laranxa por tormentas nas provincias de Lugo e Ourense.
Esta decisión foi tomada en base á advertencia da Axencia Estatal de Meteoroloxía (Aemet), que avanza que este fenómeno meteorolóxico, que traerá choivas e vento localmente fortes e saraiba de gran tamaño nas zonas da montaña e o sur da provincia de Lugo e a montaña de Ourense.
“Para garantir a seguridade dos bens e as persoas, informamos aos concellos das provincias afectadas, así como a deputacións, servizos provinciais, agrupacións de voluntarios de Protección Civil e clubs náuticos”, apuntou o Goberno autonómico a través dun comunicado.
A Xunta de Galicia tamén recomenda consultar a páxina web do Centro de Atención ás Urxencias (CAE) 112 Galicia -www.112galicia.org-, que conta con información meteorolóxica actualizada e enlaces de interese.
