A Xunta non limitará a mobilidade na área da Coruña, onde hai 463 este mércores dos 827 casos activos que se rexistran en Galicia, aínda que si amplía e incluso endurece as restricións xa en marcha sete días máis.
Ademais, o presidente da Xunta, Alberto Núñez Feijóo, explicou este mércores que o comité clínico que asesora á Xunta estima que o brote da Mariña está "en fase de resolución" e mostra unha evolución "moi boa". Os 16 casos das últimas dúas semanas teñen trazabilidade e orixe coñecida, polo que só se manteñen as restricións de aforamento do 50% en lecer nocturno.
En canto á área de A Coruña, na que máis crecen os contaxios, restrinxirase as visitas de familiares a hospitais, estúdase ampliar as limitacións do lecer nocturno fose da área perimetral da Coruña e farase cribado de PCR en poboación máis afectada (menores de 40) e profesións en contacto con poboación vulnerable. En 10 días estúdase se se modifican as restricións de carácter xeral.
Feijóo indicou ademais que se contempla a situación dos temporeiros, especialmente tras o brote de Castro, e se
Pode haber confinamentos de cidades ou comarcas nas próximas semanas, advertiu, tras facer un chamamento á cidadanía e en especial a da Coruña e a xente nova para que se protexa e protexan aos demais, porque a situación epidemiolóxica de Galicia é de media "boa" pero a da Coruña é "mala" e "moi preocupante".
