A Xunta acordou este venres suspender todas as visitas ás persoas que estean ingresadas en residencias de maiores e persoas con discapacidade. Diso informou este venres o presidente da Xunta, Alberto Núñez Feijóo, na rolda de prensa posterior á reunión do seu Executivo.
Feijóo asegurou que a medida busca "protexer a saúde" das persoas maiores ou con discapacidade que residen neste tipo de centros.
Nos últimos días déronse varios casos de brotes de coronavirus en centros de maiores da comunidade, algo que xa se cobrou decenas de vidas noutros puntos de España e que en Madrid se converteu nunha auténtica secuela.
Pouco antes do anuncio da Xunta, a rede galega de familiares e usuarios de residencias de maiores, Rede, urxiu a intervención pública destes centros de xestión privada para evitar unha "masacre" .
Paulino Campos, presidente de Rede, informou dun novo positivo por coronavirus dunha residente do centro de DomusVi en Barreiros, Vigo, que foi evacuada a un centro hospitalario.
DomusVi tamén xestiona o centro de San Lázaro, en Santiago de Compostela, onde se contabilizan cinco contagios confirmados pola Xunta e a propia empresa, e unha planta con 60 residentes illada. Hai outro centro de maiores, o de Caldas de Reis, en illamento tras un caso confirmado de coronavirus.
Así, e Consello da Xunta acordou este venres novas medidas para loitar contra o coronavirus. Así, a Xunta porá en marcha unha liña de "prestamos ponte" por uns 250 millóns de euros para autónomos e pequenas e medianas empresas (pemes) mentres o Goberno central non desenvolve a súa liña de avais.
"Desde o vindeiro luns calquera persoa que queira pedir un préstamo será avalada polo Executivo autonómico ao 75%", explicou. A contía destes préstamos corresponderase cos gastos do trimestre anterior das pemes e autónomos.
"Todos os gastos que tiveron entre xaneiro, febreiro e marzo e aos que non poden facer fronte, a Xunta avalará o 75% dos préstamos", explicou o máximo mandatario autonómico, que informou de que a Xunta concretou cos bancos para que non se teña que devolver "ata dentro de tres anos".
Feijóo explicou que, no caso de que entren en vigor as decisións do Goberno de España, a Xunta "irá anulando estes préstamos". "Galicia anticípase e activa este mecanismo de liquidez ata que o Estado poña en marcha as súas liñas de financiamento", indicou.
Na súa intervención, ademais, explicou que o seu Executivo acordou que as contas de amortización e os intereses correspondentes ao primeiro trimestre dos préstamos a empresas que ten en marcha o Igape e Xesgalicia por valor de 265 millóns "déixense sen efecto" e poidan "pagarse a partir dos meses de xullo, agosto e setembro".
Entre outras medidas, Núñez Feijóo anunciou "un aumento do 71 por cento das camas de Uci", ata
O mandatario autonómico tamén indicou que é "necesario" que o Ministerio de Sanidade "mande o material" que comprou de forma centralizada e esperou que as compras xa feitas con anterioridade por parte de Galicia non se paralicen.
