O tenista Rafa Nadal, número dous do mundo, casará en Mallorca o próximo outono coa súa noiva desde hai catorce anos, Francisca Perelló, segundo publica este mércores a revista ¡Hola!.
O finalista do Open de Australia contraerá matrimonio na súa terra e a da súa prometida despois do verán, adiantou a través da súa web a revista, que cita fontes próximas á parella.
Os noivos comprometéronse o pasado mes de maio durante unha estancia en Roma e mantiveron ata agora en segredo a súa decisión e a data do enlace, que ¡Hola! define como "a voda do ano".
A noiva de Rafael Nadal, que traballa na fundación que leva o nome do tenista, tamén é de Manacor e licenciouse en Dirección e Administración de Empresas na Universidade das Illas Baleares.
