A youtuber Verdeliss, a nova concursante de GH VIP
A influencer, que conta con 1.5 millóns de subscritores en Youtube, será a primeira concursante en entrar embarazada na casa de Guadalix de la Sierra
Estefanía Unzu, máis coñecida como Verdeliss, confírmase como unha das concursantes da próxima edición de Gran Hermano VIP. Verdeliss é unha das raíñas de Youtube, con 1.5 millóns de subscritores en Youtube e case 700.000 seguidores en Instagram, que se sumará ao reality embarazada do seu sétimo fillo.
Algún dos seus vídeos acumulan millóns de reproducións. En concreto, o parto do seu fillo Julen acumula 18 millóns de reproducións e a lactación das súas mellizas, 12 millóns.
Verdeliss, embarazada de 11 semanas, decide entrar na casa para "vivir a experiencia", segundo relatou a Europa Press. Sostén que non busca "nin o diñeiro nin a fama" e que lle custará estar sen os seus seis fillos.
O que está claro é que GH VIP quenta motores coa confirmación de Verdeliss xunto a Aurah, Oriana, Ángel Garó, Mónica Hoyos, Darek, Suso, Aramís Fuster, Makoke e o Koala como concursantes.