A ameaza de choiva estará presente este martes en Galicia
22 de febrero de 2021 (23:44 h.)
As temperaturas experimentarán un ascenso
Novamente durante a xornada do martes estaremos nunha situación entre altas e baixas presións, cunha fronte achegándose lentamente polo Atlántico. Deste xeito, agárdanse ceos con máis nubes canto máis ó oeste de Galicia, con posibles orballos no litoral.
As temperaturas experimentarán un ascenso, máis acusado nas mínimas. Os ventos soprarán de compoñente sur, fortes no litoral atlántico e zonas altas.