Galicia arrinca a semana con ceos despexados e máximas por riba dos 20 graos
04 de abril de 2021 (21:10 h.)
Galicia iniciará a semana baixo a influencia anticiclónica, con ceos pouco nubrados ou despexados en xeral, aínda que cara á noite do luns comezarán a entrar nubes baixas polo terzo norte, segundo a predición de Meteogalicia.
As temperaturas quedarán sen cambios significativos e o vento soprará do nordeste, con intervalos fortes no litoral coruñés.
Temperaturas mínimas e máximas para o luns nas cidades
A Coruña 9° 18°, Ferrol 9° 19°, Lugo 3° 18°, Ourense 5° 24°, Pontevedra 9° 23°, Santiago 8° 21° e Vigo 11° 22°.