Galicia experimentará un descenso de temperaturas agás nas Rías Baixas
10 de agosto de 2020 (02:55 h.)
A xornada comezará con nubes no ceo, que se irán retirando ao longo do día
Este luns Galicia seguirá coa influencia das altas presións e con algo máis de humidade que na xornada anterior. A xornada comezará con ceos nubrados e choiva moderada no norte de Lugo e A Coruña, aínda que ao longo do día as nubes iranse retirando.
As temperaturas experimentarán un lixeiro descenso salvo nas Rías Baixas, onde as máximas ascenderán lixeiramente. O vento, de compoñente norte, soprará frouxo.