Fabas
A orixe das fabas está en Jericó, na era cristiana. Os romanos, por exemplo, comíanas para potenciar a súa virilidade. As fabas consúmense tanto crúas como cociñadas. En Murcia e Andalucía tómanse como aperitivo crúas con bacallau seco ou 'mojama' e con xamón. Tamén se fan os 'michirones' murcianos e a fabada asturiana.
Ingredientes:
- Fabas de Lourenzá
- Luras
- Aceite
- Viño branco
- Tinta
- Sal
Para a salsa:
- Cebola
- Allo
- Cenoria
- Coñac
- Chile
- Fariña
- Caldo de peixe
Elaboración
Deixar as fabas a remollo doce horas e cocer durante outras dúas. Limpar e picar as luras en tacos pequenos. Guisar en aceite e viño branco, engadindo a tinta. Facer unha salsa mariñeira pochando a cebola, o allo e a cenoria.
Unha vez douradas as hortalizas, engádense o caldo de peixe e o coñac e, posteriormente, unha vez reducido o alcol, o chile e a fariña. Tritúrase a salsa. Unha vez cocidas as fabas, escórrense e mestúranse coas luras. Finalmente, engádese a salsa.