Nubes e claros, sen descartar algún chuvasco, este venres en Galicia
11 de marzo de 2021 (20:37 h.)
Temperaturas mínimas en moderado a notable descenso, máximas sen cambios significativos
Galicia irá quedando durante esta xornada de xeito transitorio baixo influencia anticiclónica. Con esta situación, agárdanse ceos con alternancia de nubes e claros e algún chuvasco ocasional algo máis probable pola mañá. A cota de neve estará nos 1200 metros.
Temperaturas mínimas en moderado a notable descenso, máximas sen cambios significativos. Os ventos soprarán de compoñente oeste, moderados no litoral norte e frouxos no resto.