Un día de tregua: sol e pequeno aumento de temperaturas
12 de agosto de 2019 (23:24 h.)
Este martes a provincia quedará transitoriamente na influencia das altas presións. Deste xeito, segundo o prognóstico de Meteogalicia, os ceos estarán pouco nubrados ou despexados, con néboas matinais en comarcas do interior.
As temperaturas mínimas non terán cambios significativos ou quedarán con lixeiros ascensos e as máximas experimentarán un moderado ascenso. O vento soprará frouxo de compoñente norte.