A semana arrinca con inestabilidade: choiva, saraiba e ata neve
16 de diciembre de 2019 (01:25 h.)
Galicia arrincará a semana nunha situación de inestabilidade atmosférica debido á entrada de aire frío en capas altas, de forma que os ceos estarán parcialmente cubertos con chuvascos que poderían vir acompañados de saraiba.
A cota de neve descenderá dos 1.200 metros ata os 800 metros ao final do día. A montaña de Lugo e Ourense estará en alerta laranxa por acumulacións de máis de 10 centímetros, mentres que na costa seguirá activo o aviso laranxa por ondas de máis de cinco metros.
As temperaturas sufrirán un descenso entre lixeiro e moderado. O vento soprará de compoñente norte, sendo forte cara á noite.
Temperaturas mínimas e máximas
A Coruña 9º 12º Ferrol 9º 11º, Lugo 4º 8º Ourense 6º 11º, Pontevedra 5º 11º, Santiago 6º 9º, Vigo 8º 11º