A semana arrinca con néboas que darán paso a ceos pouco nubrados
07 de octubre de 2019 (04:14 h.)
Galicia está este luns baixo a influencia das altas presións, de modo que a xornada comezará con bancos de néboas que darán paso a ceos pouco nubrados ou despexados, con intervalos de nubes de tipo alto.
Atendendo á información de Meteogalicia, os ventos soprarán de compoñente oeste pero serán frouxos durante todo o día. En canto ás temperaturas, as mínimas sufrirán descensos e as máximas experimentarán ascensos lixeiros ou moderados. Moveranse entre os 22 graos de Ferrol e os 28 de Ourense.