As temperaturas máximas experimentarán un lixeiro ascenso este martes en Galicia
20 de septiembre de 2021 (22:12 h.)
Galicia irá quedando durante a xornada do martes baixo influencia anticiclónica, de forma que se esperan ceos despexados na metade sur e con intervalos de nubes e claros no norte, coa posibilidade dalgún chuvasco illado e ocasional.
As temperaturas mínimas quedarán sen cambios significativos e as máximas experimentarán un lixeiro ascenso, segundo o prognóstico de Meteogalicia.
O vento soprará de dirección nordés e será frouxo no terzo suroriental, aínda que aumentará nas horas centrais do día, sobre todo no noroeste e sen descartar refachos fortes ou moi fortes na área de Fisterra.