Venres de descenso de temperaturas e posiblidade de chuvascada

As baixas presións e o aire frío en altura continuarán unha xornada máis ao oeste da península Ibérica achegando inestabilidade, de forma que os ceos estarán parcialmente nubrados, con máis nubes ao principio do día polo oeste e máis claros en xeral durante a tarde.

Pola tarde aumentarán as nubes de evolución que poderán deixar chuvascos tormentosos.

As temperaturas sufrirán un moderado descenso, e os ventos soprarán frouxos de dirección variable.