TVE cancela 'Saber vivir' e 'Amigas y conocidas'
21 de agosto de 2018 (19:05 h.)
A cadea pública decidiu non volver apostar por estes formatos para o arranque da tempada 2018/19
O programa de estilo de vida Saber vivir e o faladoiro Amigas y conocidas non estarán presentes na nova programación da 1, xa que RTVE decidiu sacalas da grella no outono.
Fontes da radiotelevisión pública indicaron a Efe que a presentadora de Amigas y conocidas, Inés Ballester, seguirá vinculada á corporación pública e que o faladoiro deixará de emitirse de luns a venres, pero si acompañará á emisión de Lazos de sangre, como adiantou La Vanguardia.
Coa cancelación deste faladoiro de mulleres e de Saber vivir, programa que presentaba Macarena Berlín e que levaba en antena desde 1997, RTVE terá que reorganizar a programación matinal diaria da 1.