Ferido un menor que se precipitou desde un terceiro piso en Monforte
Caeu na noite deste mércores desde unha vivenda de cálea Duquesa de Alba
Os servizos sanitarios evacuaron con vida na noite deste mércores a un menor que se precipitou desde un terceiro piso en Monforte.
Segundo os datos facilitados ao 112 Galicia, o suceso rexistrouse preto do nove da noite, cando o neno se caeu á rúa desde unha xanela situada na cuarta planta dun edificio da rúa Duquesa de Alba.
Así, tras recibir a chamada de alerta de varios particulares, os xestores do Centro Integrado de Atención ás Emerxencias (CIAE) 112 Galicia puxéronse en contacto cos profesionais das 061-Urxencias Sanitarias, que enviaron ao momento un equipo para o traslado do menor ao centro hospitalario de referencia.
Tamén se informou aos axentes da Policía Autonómica e da Policía Nacional co fin de esclarecer as circunstancias que rodearon este suceso.