Sae ileso dun sinistro en Mos un condutor que quintupricou a taxa de alcol

Un condutor dun vehículo que se saíu da vía cando circulaba por un tramo de autovía do municipio pontevedrés de Mos saíu ileso, pero os axentes que acudiron a rescatalo comprobaron que quintupricaba o límite legal da taxa de alcol para poder conducir, segundo informou hoxe a Garda Civil.

O home, de 56 anos residente en Mos, o pasado sábado ás 18:30 horas viaxaba só no seu vehículo por un tramo da autovía A-55 nas proximidades de Tameiga e, no quilómetro 11,2, saíu da vía e quedou colgado sobre un desnivel nunha situación perigosa.

Aínda que o condutor puido saír do vehículo a pé e só tivo algunhas lesións, os axentes da Garda Civil que acudiron á zona procederon a efectuar un control de alcoholemia obrigatorio neses casos.

Ao comprobar que a taxa de consumo de alcol era ata cinco veces superior ao límite legal, os axentes abriron dilixencias por un presunto delito en materia de seguridade viaria e presentaron o asunto ante o Xulgado de instrución de garda do Porriño.