martes. 20.10.2020 |
El tiempo
martes. 20.10.2020
El tiempo

Asimetría normativa

NON, CLARO que non se pode lexislar para cada persoa, nin sequera para unha área mínima por moi excepcional que sexa. Nun parlamento dificilmente tería encaixe aprobar o confinamento en todo o territorio español excepto en Valdemora, o concello leonés de 75 habitantes co núcleo máis preto a dous quilómetros e libre de coronavirus. Pero neste Estado das autonomías pódense permitir asimetrías que marquen as comunidades, coas súas cámaras lexislativas e os seus executivos que exasperan a ultradereita uniformadora pero facilitan cercanía. Non se converte en nacionalista galego Feijóo cando defende unha desescalada por áreas sanitarias distinta en Pontevedra-O Salnés que no barrio madrileño de Salamanca. Como non é igual o distrito A Mariña-Lugo-Monforte, sen vítimas mortais por Covid na última semana, que o de A Coruña-Cee, na que o virus ten unha incidencia considerable. Non serían desigualdades, senón disimetrías.

Asimetría normativa
Comentarios