domingo. 15.12.2019 |
El tiempo
domingo. 15.12.2019
El tiempo

Preocupación autonómica

ESTE 2019 tivemos eleccións de todo tipo (municipais, europeas, dúas xerais, autonómicas onde non son nacionalidade histórica). En Galicia só nos faltaron as da comunidade. E non andan moi lonxe. Quizais medio ano, se Feijóo as adianta uns meses para que a campaña non coincida no verán. Por iso, como referente, foron tan importantes os comicios do domingo, cuns resultados que non poden deixar satisfeitos nin a PP nin a PSOE.

Aos populares, porque a pesar de recuperar o primeiro posto, o exiguo 32% sitúaos a gran distancia da maioría absoluta que precisan. Certo que Feijóo non é Casado e as autonómicas non son as xerais, pero tamén que de entrar no Parlamento sería máis incómodo Vox que Cs como posible socio se o PP non alcanza os 38 deputados. E os socialistas, polo seu considerable descenso (70.000 votos) e a perda da Coruña, tampouco están para oufanarse. En política medio ano é unha eternidade, pero ambos os dous deberían preocuparse.

Preocupación autonómica
Comentarios