Opinión

Tras unhas eleccións, outras

NON DEBERÍA pasar demasiado tempo desde as eleccións xerais do 10-N ata a celebración de novos comicios en Cataluña, se antes non se aplica o artigo 155 da Constitución que deixaría en mans do presidente do Goberno a prerrogativa de convocalas en vez do titular do Govern. Terá que haber comicios autonómicos non pola situación que viven as rúas catalás desde que se coñeceu a sentenza do procés, senón pola división entre os partidos independentistas, e incluso no grupo parlamentario maioritario no secesionismo non hai sintonía con Torra, que parece ir por libre, ou só atento a Puigdemont.

Así dificilmente se pode gobernar, e menos na conxuntura actual de enfrontamento social e político. Con Cataluña sen rumbo e un presidente desbordado, é hora de darlle a palabra aos cataláns, opina El Periódico no seu editorial. As eleccións non solventarán o conflito, pero este Parlament está amortizado, aínda que teña menos de dous anos de existencia.