A alarma empresarial que activou o forte repunte das ausencias ao traballo tras o estalido da pandemia segue sen apagarse catro anos despois. O absentismo laboral, lonxe de conterse, foi a máis. En Galicia, esas faltas, xustificadas ou non, provocaron a perda do 7,8% das horas pactadas no cuarto trimestre de 2023.
Trátase da terceira taxa máis alta entre as comunidades, só superada polas de Asturias (8,3%) e País Vasco (7,9%), tras aumentar un punto no último ano. Na recta final de 2019 apenas superaba o 5%.
O fenómeno do absentismo fai alusión á ausencia do empregado ao seu posto cando estaba prevista a súa presenza. Moitas veces vincúlase coas faltas deliberadas, pero son as menos. O principal motivo son enfermidades e accidentes, que poden non estar relacionados co traballo (continxencias comúns) ou si (continxencias profesionais). Así, por incapacidade temporal perdéronse o 5,6% de horas pactadas en Galicia no cuarto trimestre de 2023.
Estes datos extráense dun informe do grupo de recursos humanos Adecco, que achega un dato moi indicativo sobre a magnitude do absentismo no conxunto de España: o tempo non traballado por estas ausencias equivale a que 1.168.968 asalariados non acudisen ao seu posto ningún día durante o período analizado, un 11,9% máis que un ano antes. A nivel estatal, a taxa de absentismo repuntó seis décimas, ata alcanzar o 7,2%.
Entre as razóns da escalada das baixas e demais faltas habería unha puramente estatística: se aumenta o emprego, tamén o fai o absentismo. Influiría, ademais, o menor temor a perder o traballo que en períodos de crises na economía e o mercado laboral. Outro factor sería
A CEOE urxe medidas
O seu presidente, Antonio Garamendi, chamou este xoves a tomar cartas no asunto desde o diálogo social —Goberno, sindicatos e empresarios— para buscar solucións. Desde Muxía, onde participou na reunión anual do Foro Económico de Galicia, o líder da CEOE dixo que algunhas empresas "chegan a ter ata
O líder dos patróns reiterou a súa aposta por que a Administración desenvolva convenios coas mutuas para que realicen probas diagnósticas ou tratamentos rehabilitadores para axilizar procesos de baixa.
Cre que hai que analizar cuestións como o teletrabajo e o seu impacto na saúde. "é unha ferramenta buenísima de conciliación e proximidade, pero está a provocar un illamento moi grande a moita xente e iso causa ansiedade e baixas", afirmou Garamendi.
O informe de Adecco tamén analiza a situación por sectores. En Galicia, o máis afectado o absentismo é a industria, cunha taxa do 7,7%, seguido dos servizos (7,3%) e a construción (5,8%). En todos os casos houbo un aumento no último ano.
