As ofertas públicas de emprego como vía para tratar de mellorar as condicións laborais e deixar atrás a precariedade. Seis de cada dez opositores galegos contan cuns ingresos mensuais que non alcanzan os 1.000 euros. De feito, o 17% non gaña un céntimo, segundo a cuarta edición da radiografía de OpositaTest. Con todo, incluso por encima do progreso salarial, ao que aluden como motivación fundamental o 7,7% dos entrevistados na comunidade por esta plataforma online de preparación de tests, o que máis atrae destas prazas é a posibilidade de conquistar un horizonte estable de traballo, un posto fixo para toda a vida, razón que copa o 84% das respostas.
O asunto é que é posible que esta discrepancia estea vinculada a que os opositores galegos contan cunha rede de apoio familiar, dado que os que forman parte dun fogar cun rango de ingresos inferior a eses 1.000 euros non chega ao 20% e apenas o 13% vive só.
Máis da metade de opositores compaxina a preparación cun traballo a xornada completa
En calquera caso, tamén son numerosos –o 36% do total– os aspirantes de Galicia que perciben entre 1.000 e 2.000 euros ao mes, de acordo coas respostas recibidas por este estudo baseado en máis de 3.600 entrevistas online, 339 delas contestadas en concreto desde a comunidade galega.
E é que, entre academias, temarios, preparadores, etcétera, lanzarse a unhas oposicións implica unha investimento que, no caso de Galicia, o 80% dos opositores asume integramente por si mesmos. E para case a metade, supón un gasto de polo menos 100 euros ao mes. A media supera por pouco os 86 euros, 8 máis que o resultado do conxunto do país. En paralelo, este investimento contabilízase en tempo: o 39% dedica menos de tres horas ao día e o 29%, entre tres e cinco. Aínda que son cantidades que foron en descenso respecto de radiografías previas.
En relación a iso, dáse a circunstancia de que máis da metade dos opositores –o 51%, unha taxa que aumenta fronte a edicións anteriores– compaxina a preparación das probas cun
Ademais, os opositores galegos son traballadores curtidos: oito de cada dez acumula máis de cinco anos de experiencia laboral, oito puntos por encima da media estatal. E máis da metade (55%) conta con formación universitaria ou universitaria superior.
O 65% de opositores ten máis de 40 anos
"O empregado público ou funcionario terá cada vez máis experiencia previa no sector privado", sinala Jacobo Fariña, responsable de comunicación, que engade que, do mesmo xeito, "a idade media do opositor leva varios anos aumentando". En Galicia, precisamente, o 65% dos mesmos ten máis de 40 anos, fronte ao 60% que marca a media de España. Con todo, a media galega queda nos 41 anos e medio. Pola súa banda, só o 4% non cumpriu aínda os 25 anos.
Sexa como for, o xusto case sería falar de opositoras, a tenor de que conforman o 81,7% das enquisadas na comunidade, en liña cos datos estatais.
Así mesmo, esta procura de oportunidades tamén arroxa outra taxa na que destaca Galicia, e é que o 43,4% dos seus opositores reside nunha poboación de menos de 50.000 habitantes, bastante por encima do 29% estatal.
Oposicións autonómicas e locais
OpositaTest resalta que os opositores galegos non pon todos os ovos na mesma cesta. "Estamos ante un perfil de multiopositor, seis de cada dez afirma preparar dous ou máis oposicións ao mesmo tempo, o 67% en concreto, a porcentaxe máis alta a nivel nacional", explica. Nunha fotografía similar, o 36% nunca preparara unha oposición antes, en tanto que o 74% afirma que é reincidente.
Sobresaen os grupos inferiores, o C1 e o C2, para as que estudan máis do 80% dos enquisados.
Igualmente, ese obxectivo de conseguir un futuro estable pode trasladarse a unha cuestión de arraigamento: o 65% pretende presentarse a ofertas de emprego público convocadas pola Xunta e case o 7% a organizadas por administracións locais. A unhas de ámbito estatal vai xa que logo o 28%.
Neste sentido, outro aspecto sobre o que fai fincapé a plataforma é que "o opositor cuxa primeira motivación é a vocacional descende, pasando dun 15% en 2021 a un 10% dos enquisados en 2023" en todo o país. En Galicia son aínda menos: o 8%.
