A Academia Peruana de Dereito elixiu no seu último pleno, por unanimidade, académico honorario ao catedrático de Dereito Civil da Universidade da Coruña Domingo Bello Janeiro, destacando a prestixiosa institución que "se trata da máis alta calidade contemplada nos estatutos da organización respecto de xuristas estranxeiros de excelente traxectoria en recoñecemento ao seu destacado labor académico e profesional".
Bello Janeiro é presidente da Comisión de Academias de Xurisprudencia iberoamericanas e da Asociación Iberoamericana de Dereito Sanitario, así como membro de número da Real Academia Galega de Xurisprudencia e Lexislación e académico de honra da súa homóloga de España, entre outras. En Perú impartiu conferencias, escrito artigos doctrinales e publicado libros.
O catedrático coruñés está en posesión da máxima condecoración xurídica de España, a Cruz de San Raimundo de Peñafort, así como da maior distinción no ámbito da docencia e investigación, a Orde de Alfonso X O Sabio. A nivel internacional, entre outros logros, foi designado polo Banco Mundial árbitro do Centro Internacional de Arranxo de Diferenzas Relativas a Investimentos.