jueves. 01.10.2020 |
El tiempo
jueves. 01.10.2020
El tiempo

Messi non se presentará ás probas médicas do Barça este domingo

Messi. EFE
Messi. EFE
O xogador toma esta determinación despois de que Bartomeu decarase que non estaba disposto a negociar un traspaso

O arxentino Leo Messi comunicou ao FC Barcelona que non se presentará ás probas PCR que os xogadores do primeiro persoal deben pasar este domingo na Ciutat Esportiva Joan Gamper, segundo anunciou a emisora RAC 1.

Estas probas son obrigatorias para poder comprobar que os xogadores non teñen o coronavirus e así poder afrontar o inicio dos adestramentos, que terá lugar o luns ás ordes de Ronald Koeman.

Messi toma esta decisión porque considera que o seu contrato finalizou logo de executar a clausula liberatoria de final de tempada, segundo explica El Periódico.

Este venres a contorna de Messi anunciou que o xogador se presentaría ás probas PCR e aos adestramentos coa intención de non forzar máis a situación por respecto aos socios e afeccionados e para pactar unha saída co club.

Este xiro na situación sucede despois de que Bartomeu deixase claro que non estaba disposto a negociar un traspaso por Messi e remitísese unha vez máis á súa cláusula de rescisión de 700 millóns de euros se algún club pretendía facerse cos seus servizos.

De todas as maneiras, o xogador segue avogando por atopar unha saída amigable do club da súa vida.

De momento, nin Messi nin Bartomeu falaron publicamente sobre o asunto, aínda que se espera que o primeiro o faga proximamente.

Messi non se presentará ás probas médicas do Barça este domingo
Comentarios