Os familiares avisaron á Policía ao non poder contactar con el
O corpo sen vida dun home duns setenta anos foi achado a medianoite do xoves ao venres nun piso da rúa Almirante Mourelle da Coruña.
Os bombeiros acudiron ao domicilio a instancias da Policía Nacional, que fora avisada por achegados e familiares do falecido. Levaban días sen saber del.
Tras entrar pola fiestra, os bombeiro acharon o corpo no baño da vivenda, ao parecer, por causas naturais. Vivía só e podería levar varios días morto.
