sábado. 04.12.2021 |
El tiempo
sábado. 04.12.2021
El tiempo

A audiencia previa ao xuízo da titularidade de Meirás será o 31 de xaneiro

Pazo de Meirás.CABALAR (Efe)
Pazo de Meirás.CABALAR (Efe)
O obxectivo é intentar alcanzar un acordo ou transacción entre as partes intervintes na causa

O Xulgado de Primeira Instancia número 1 da Coruña fixou a audiencia previa ao xuízo sobre a titularidade do Pazo de Meirás para o 31 de xaneiro de 2020 ás 10.00 horas, informou o Tribunal Superior de Xustiza de Galicia.

A audiencia ten como obxecto intentar alcanzar un acordo ou transacción entre as partes intervintes na causa derivada do proceso iniciado polo Estado o pasado mes de xullo para reclamar á familia Franco a propiedade do pazo de Meirás, situado no termo municipal coruñés de Sada.

O pasado 11 de setembro foron incorporados ao proceso a Xunta de Galicia e o Concello de Sada en calidade de parte coadyuvante, decisión que foi posteriormente recorrida polo Franco.

Na audiencia do próximo 31 de xaneiro, segundo indica a letrada na resolución, examinaranse as cuestións que poidan impedir o seguimento do proceso e fixarase "con precisión" o obxecto do preito e "os extremos de feito e de dereito sobre os que exista controversia".

Ademais, durante a mesma poderase propor e admitir proba e examinar "as cuestións que, con carácter excepcional, a lei prevé que poidan exporse".

Así mesmo, as partes teñen a posibilidade de recorrer a unha negociación para intentar solucionar o conflito, "incluído o recurso a unha mediación" e nese caso deberán informar na mencionada audiencia da súa decisión e explicar as súas razóns.

Contra a resolución cabe presentar recurso de reposición nun prazo de cinco días.

A audiencia previa ao xuízo da titularidade de Meirás será o 31 de...
Comentarios