sábado. 27.11.2021 |
El tiempo
sábado. 27.11.2021
El tiempo

O avogado de Rosario Porto asegura que está na Lama con "depresión profunda"

Aranguren, en un juicio en Lugo. SEBAS SENANDE
Aranguren, en un juicio en Lugo. SEBAS SENANDE
Aranguren asegura que está no módulo de enfermería da prisión

O avogado de Rosario Porto, condenada a 18 anos de cárcere por matar á súa filla Asunta Basterra, asegurou que o seu cliente permanece na enfermería da prisión de A Lama, en Pontevedra, cunha "depresión profunda". 

O letrado José Luís Gutiérrez Aranguren, que acudía aos xulgados de Lugo para exercer a defensa de un home procesado por difusión de pornografía infantil explicou que Rosario Porto leva "arrastrando esa depresión" desde "hai moitos anos". 

Por iso, sinalou que lle recomenda a Rosario Porto, aínda que ela "non quere", pedir permisos para "poder forzar canto antes unha posibilidade de clasificación en terceiro grao e de anticipación de cumprimento da pena". 

"Digo por indicación miña porque ela non quere saber absolutamente de liberdade, nin nada, e coa actitude habitual da Xunta de Tratamento de negativa por gravidade do feito, coma se non fose suficiente a pena que lle impuxeron", manifestou o avogado.

MANTÉN A SÚA INOCENCIA. Segundo indicou, Porto mantén que é "inocente" do crime de Asunta, unha afirmación que o seu avogado tamén defende e da que se mostrou cada vez "máis" convencido. 

Así, asegurou que, ultimamente, ten "dificultade" para comunicarse coa súa representada no cárcere porque mentres que "antes o chamaba", agora "non o fai". "Ela non se molesta en saír da enfermería e está absolutamente abatida", incidiu. 

O avogado sinalou que esgotou "todos os recursos" xudiciais polos que exonerar o seu cliente. "A miña confianza na xustiza é a xusta, porque este caso foi especialísimo", indicou. "Eu pensei que había instancias internacionais que eran máis dadas a mirar as cousas con profundidade e aínda é peor cando un sae por aí, agás que sexa para casos nas que hai xente de altura que está involucrada, nese caso si que son moi exquisitos nas garantías", manifestou. 

Así, criticou que "os demais mortais" podian "ir ao cárcere" sen "facer nada" porque non teñen "ningún tipo de amparo", protestou. 

Tanto Rosario Porto como o seu ex marido, Alfonso Basterra, foron condenados a 18 anos de prisión, tras un xuízo con xurado popular, polo asasinato da súa filla adoptiva Asunta o 21 de setembro de 2013. 

O avogado de Rosario Porto asegura que está na Lama con "depresión...