Lunes. 18.06.2018 |
El tiempo
Lunes. 18.06.2018
El tiempo

Cúmprense 25 anos dunha das imaxes históricas do Parlamento galego: o zapato en man de Beiras

Beiras, zapato en man, un 10 de marzo de 1993. AEP
Beiras, zapato en man, un 10 de marzo de 1993. AEP

O líder político, naquel momento no BNG, sacou o calzado para mostrar a súa disconformidade coa actitude do goberno de Alianza Popular

 

Este sábado 10 de marzo cúmprense 25 anos dunha das imaxes históricas nas case catro décadas de vida do Parlamento de Galicia: o zapato en man co que o histórico dirixente nacionalista Xosé Manuel Beiras tratou de chamar a atención do entón presidente da Xunta Manuel Fraga. 

Durante un pleno celebrado en marzo de 1993, o por aquel entón líder do BNG, Xosé Manuel Beiras, emulou ao dirixente soviético Nikita Khrushchev e, zapato en man, censurou a actitude do Partido Popular en protesta por un cambio no regulamento electoral que elevaba ao 5 por cento a porcentaxe necesaria para ter representación na Cámara. 

Naquela lexislatura, na que a Alianza Popular de Manuel Fraga gobernaba con maioría absoluta, o Bloque Nacionalista Galego era a terceira forza política en O Hórreo con cinco deputados. 
Medio ano despois, nas eleccións celebradas en outubro de 1993 e xa coa obrigatoriedade do citado 5% para lograr escano, a formación frontista cultivaría un histórico resultado, pasando de cinco a 13 parlamentarios e dobrando a porcentaxe de voto rexistrado nos anteriores comicios.

UNIRSE "AO EXÉRCITO ZAPATISTA". A estampa foi lembrada na campaña das autonómicas de 2012 xa con Beiras fóra do BNG e como cabeza de cartel da coalición electoral Alternativa Galega de Esquerdas (AGE) formada por Esquerda Unida e Anova, formación nacionalista xurdida logo da ruptura do Bloque. 

Nesa campaña, durante un mitin celebrado en Santiago, o hoxe alcalde de Santiago e por aquel entón rexedor de Teo (A Coruña), Martiño Noriega, chamou aos alí presentes a unirse ao "exército zapatista de Galicia" e levantar o seu calzado para lembrar o momento do ano 1993. 

Anova-Irmandade Nacionalista, formación da que é fundador e referente Beiras, tamén rememorou este sábado 10 de marzo a efeméride a través dunha mensaxe nas redes sociais: "Hoxe hai 25 anos desta imaxe. Sempre na defensa de Galicia e das maiorías sociais agredidas. Construíndo Unidade Popular", di o tuit de Anova, que agrega unha instantánea do icónico momento.

Cúmprense 25 anos dunha das imaxes históricas do Parlamento galego:...