miércoles. 08.07.2020 |
El tiempo
miércoles. 08.07.2020
El tiempo

Detido en A Pobra do Caramiñal por tráfico de drogas e receptación de obxectos roubados

Obxectos e droga incautada. GC
Obxectos e droga incautada. GC

Axentes da Garda Civil do Posto de Boiro detiveron a un veciño de A Pobra do Caramiñal de 47 anos como presunto autor dos delitos de tráfico de drogas e receptación de obxectos roubados, ao cal se lle investigaba desde hai tempo. 

Segundo informou o Instituto Armado, no marco da denominada opereración Lemafar na mañá do 26 de xuño procedeuse a realizar un rexistro no seu domicilio da localidade da Pobra do Caramiñal, durante o cal se incautaron 50 dose de cocaína de 10,83 gramos, seis doses de heroína e 1,31 gramos de marihuana, así como dous teléfonos móbiles e 170 euros en billetes varios e moedas. 

Ademais interviñéronselle diversos útiles para a manipulación e confección das doses (básculas de precisión, culleres, pinzas, tesoiras e numerosos recortes plásticos, entre outros). 

Os axentes tamén aprehendieron distintas armas prohibidas, coitelos lanzadores, chaves de puxilato, machete e unha réplica de Beretta 92 de fogueo/detonadora e cartuchería, indicaron as mesmas fontes. 

Durante a fase de investigación desta operación, as aprehensións de sustancias ascenderon a 106 dose de cocaína e tres dose de haxix, destacou a Benemérita. 

Durante o rexistro recuperouse o mobiliario completo dunha habitación de madeira maciza (cama, dúas mesitas, un armario e unha cómoda co seu espello) e un quentador, os cales habían subtraídos dun domicilio na localidade de A Pobra do Caramiñal. Ademais, recuperaron un televisor de 32 polgadas da marca Samsung.

MALESTAR DE VECIÑOS. "Os veciños en numerosas ocasións participaran o seu malestar ás forzas da orde pola constante trasfega a todas as horas do día e da noite de toxicómanos, mesmo en pleno confinamento polo Covid-19, que acudían ao domicilio", sinalou a Garda Civil. 

A operación finaliza, subliñou o Instituto Armado, coa desarticulación dun punto de venda de drogas na localidade coruñesa da Pobra do Caramiñal. O detido, xunto coas dilixencias, foi posto a disposición do xulgado de Instrución número 1 de Ribeira.

Detido en A Pobra do Caramiñal por tráfico de drogas e receptación...