martes. 19.10.2021 |
El tiempo
martes. 19.10.2021
El tiempo

A familia do desaparecido en Belesar concéntrase para pedir "máis medios" para a súa localización

Emilio Pintor, desaparecido en A Coruña. SOS DESAPARECIDOS
Emilio Pintor, desaparecido en A Coruña. SOS DESAPARECIDOS

 A muller do Emilio Pintor agradece a colaboración policial e insta a continuar a procura 

Familiares e coñecidos de Emilio Pintor Mella, o home veciño da Coruña e natural de Melide desparecido desde o pasado 21 de febreiro, concentráronse na cidade herculina, xunto a persoas que quixeron apoiar á familia, para reclamar que prosiga a procura e "máis medios" que permitan a súa localización.

A concentración, coa presenza dun centenar de persoas e cunha pancarta coa lema 'Axúdanos a atopar a papá', tivo lugar na praza Luis Seoane, ante o edificio administrativo da Xunta na Coruña. Na mesma, procedeuse á lectura dun comunicado por parte dos seus familiares, aos que o alcalde, Xulio Ferreiro, trasladou o seu apoio.

"Queremos que non se esqueza a súa procura, que se sigan empregando máis medios", asegurou a Europa Press Ana Belén Blanco, a muller de Emilio Pintor Mella, ao que se buscou hai unha semana, sen resultado, no encoro de Belesar, en Chantada.

A muller agradeceu o traballo que está a desenvolver o grupo de investigación da Policía Nacional, pero reclamou máis axuda. "Cónstame que fan todo o posible, pero as autoridades competentes téñenlles que dar máis medios".

MEDIOS "EFICACES" 

Así, instou a utilizar medios "máis eficaces" que o georradar tras o operativo que levou a cabo hai unha semana con participación de mergulladores dos GEOS da Policía Nacional.

"Dada a profundidade e a escuridade das augas", dixo sobre o encoro onde se tratou de localizar ao seu marido, co que ela mantivo a última conversación, por teléfono, cando el viaxaba por esa zona.

"Unha conversación que se cortou bruscramente", explicou Ana Belén Branco, quen non descartou a hipótese de que se puido precipitar ao encoro. 
Por outra banda, a muller confirmou que, xunto a efectivos da Policía Nacional, colaborará tamén na procura do seu marido,–de 43 anos, 1,78 de estatura, pelo negro con calvicie parcial e lentes– a Garda Civil, segundo confirmáronlle este xoves. 

A familia do desaparecido en Belesar concéntrase para pedir "máis...
Comentarios