martes. 20.10.2020 |
El tiempo
martes. 20.10.2020
El tiempo

Galicia suma tres falecidos máis con coronavirus, que ascenden a 726

Personas paseando con mascarilla por las calles de Compostela. PEPE FERRÍN (AGN)
Personas paseando con mascarilla por las calles de Compostela. PEPE FERRÍN (AGN)
Nas últimas 24 horas contabilizáronse 270 novos positivos na comunidade

A Comunidade galega rexistrou tres novos falecementos de pacientes con Covid-19 nas últimas 24 horas, o que eleva as vítimas a 726, mentres que contabilizou outros 270 positivos. 

Segundo os datos actualizados este xoves pola Consellería de Sanidade, as últimas persoas falecidas en centros hospitalarios foron un home de 93 anos que estaba ingresado no Hospital de Verín e outro varou de 87 no Hula. 

A eles súmase o falecemento, no seu domicilio da área sanitaria de Lugo, dunha muller de 88 anos de idade. Sanidade incidiu en que todos eles presentaban patoloxías previas. 

Segundo os datos actualizados pola Consellería de Sanidade este xoves, os casos activos de Covid descenderon nas áreas de Lugo, Vigo, Santiago e Ferrol, mentres que aumentaron lixeiramente na da Coruña e, en maior medida, nas de Ourense (57 máis) e Pontevedra (24 máis). 

Deste xeito, na área da Coruña e Cee os casos activos de coronavirus sitúanse en 1.113 --tres máis que este mércores--; na de Lugo en 640 --39 menos--; 659 na de Ourense --57 máis--, 760 na de Pontevedra e O Salnés --24 máis--, 608 na de Santiago e Barbanza --25 menos--, 502 na de Vigo --nove menos-- e 179 na de Ferrol --dez menos--. 

Até a data en Galicia curáronse 17.572 persoas, o que supón 264 máis que este mércores e rexistráronse 726 falecementos. 

O número de PCR realizadas en Galicia ascende a 446.098 este xoves fronte ás 440.382 rexistradas até este mércores, segundo os datos actualizados por Sanidade. 

Galicia suma tres falecidos máis con coronavirus, que ascenden a 726
Comentarios