domingo. 15.12.2019 |
El tiempo
domingo. 15.12.2019
El tiempo

Golpe á maior rede de narcotráfico de Levante, con ramificacións en Galicia

Un coche de la Policía Nacional.EP
Un coche de la Policía Nacional.EP
A operación saldouse co arresto de máis de 40 persoas e o bloqueo xudicial de máis de 600 contas bancarias

Un centenar de axentes da Policía Nacional desenvolveu este mércores unha operación contra a principal rede criminal asentada no Levante español e dedicada ao narcotráfico e o branqueo de capitais con numerosas detencións e 13 rexistros nas provincias de Alacante, Valencia, Madrid e Barcelona.

Segundo informou a Policía, ata o momento interviñéronse máis de 600.000 euros ocultos en diversos compartimentos no interior de varios domicilios, procedeuse ao bloqueo xudicial de máis de 600 contas bancarias e localizáronse 300 propiedades valoradas en máis de 20 millóns de euros.

Á rede, con ramificacións en Galicia, impútaselle operacións de branqueo superiores a 7 millóns de euros.

A operación Beautiful, iniciada en 2018 e saldouse co arresto de máis de 40 persoas, a incautación de case 4.000 quilos de cocaína, a intervención de armas de fogo e un gran número de vehículos de alta gama e embarcacións de luxo.

A organización criminal estaba principalmente asentada en Alacante aínda que contaba con fortes ramificacións en Madrid, Galicia, Valencia, Murcia e Barcelona.

A Policía considera que se dedicaba ao tráfico de sustancias estupefacientes na Unión Europea e, de xeito paralelo, branqueaba todas as súas ganancias con diferentes métodos e sistemas.

A investigación está englobada nun dos "Empact" de Europol como caso de alto prioridade ou "high priority case", e desenvolveuse de forma conxunta con axentes de Colombia, Portugal, Suecia, Romanía, Francia e a axencia británica NCA.

Golpe á maior rede de narcotráfico de Levante, con ramificacións en...
Comentarios