Un incendio calcina dous coches e afecta a unha vivenda en Cariño
O suceso tivo lugar ás 17.00 horas deste martes na rúa de Crecente Veiga
Un incendio declarado no motor dun coche calcinou este e outro vehículo e acabou afectando a unha vivenda do municipio coruñés de Cariño, segundo informou o CIAE 112 Galicia.
O suceso tivo lugar ás 17.00 horas deste martes na rúa de Crecente Veiga, ata onde se desprazaron efectivos dos bombeiros do Eume e o GES de Ortigueira para apagar as chamas.
O lume iniciouse no motor dun coche cando circulaba polas inmediacións da igrexa da localidade. Os ocupantes puideron abandonar o vehículo sen sufrir feridas as chamas, que acabaron propagándose a outro turismo que estaba estacionado e a unha vivenda próxima.
