Unha persoa faleceu e outras tres resultaron feridas nun grave accidente entre dous vehículos rexistrado este mércores pola tarde na avenida Infanta Elena de Lugo.
O sinistro produciuse ao redor da 19.50 horas na recta entre a rotonda de acceso a Rolda Norte e a rotonda do centro comercial As Termas.
Os bombeiros acudiron ata o lugar para realizar os labores de excarceración da vítima, que ocupaba o asento traseiro dun dos dous vehículos implicados. Os outros dous ocupantes dese coche tamén resultaron feridos, do mesmo xeito que unha muller que viaxaba no outro turismo.
